💢 श्री विश्वकर्मा सुतार युवा क्रांती 💢
💢 सामाजिक संवादक्रांती : सुतारमहाक्रांती ब्लॉग 💢
सन्मानीय समाजप्रेमी स्नेहीजन,
सस्नेह नमस्कार..जय श्री प्रभु विश्वकर्मा !
श्री विश्वकर्मा सुतार युवा क्रांती या सामाजिक चळवळीच्या माध्यमातून महाराष्ट्रातील विश्वकर्मीय समाजचळवळीस दिशादर्शक व कृतिशील कार्यध्येयासी आपण सर्वजण संकल्पित व समर्पित आहोत.
"आपला समाज हीच एक आदर्श संघटना आहे व आपण प्रत्येकजण जन्मतः च या आदर्श संघटनेचे आजीव सभासद आहोत. गरज आहे ती फक्त प्रत्येकाने समाजऋण म्हणून स्वयंप्रेरणेने आप आपले योगदान अर्पित करण्याची." त्या कारणाने व्यक्तिवाद व पदप्रतिष्ठा न बाळगता केवळ समाजप्रेम या उदात्त हेतूशी प्रामाणिक राहून समाजकारणाला सक्षम करण्याचा युवा क्रांतीचा प्रयत्न आहे.
वास्तविक पाहता आपण सर्वजण एकमेकांचे नातेसंबंधीच आहोत, त्याच प्रेमभावनेने परिवारजन म्हणून एकत्र आलो तरी महासंघटनेचे स्वरूप येणार आहे व हे होणारच...कारण याच ध्येयासाठी युवा क्रांती संकल्पित आहे व त्यायोगे आवश्यक युक्ती व बळवंत नीतीचे आपल्याच समाजातील सुशीक्षीत तरुण सक्षम युवा मित्राकडे व यासाठी हक्काचे व्यासपीठ उपलब्ध करण्याचा समर्थ प्रयत्न म्हणजे श्री विश्वकर्मा सुतार युवा क्रांती आहे.
तसे पाहता युवा क्रांतीचा कार्यकाळ जरी अल्प असला तरी, अभ्यासपूर्ण विशिष्ट कार्यशैली, सातत्य, समर्पित भावना व परिवर्तनवादी पुरोगामी विचाराने प्रेरित सर्वसामान्यांच्या हिताचे समाजकारण या मुळे परंपरागत समजुतीचे सीमोल्लंघन कधीच केले आहे. अर्थातच हि चळवळ महाराष्ट्रव्यापी होण्याचे श्रेय प्रतिसाद देणारे समाजप्रेमी बांधव, सक्षम युवा कार्यकर्ते व कर्तबगार जेष्ठ मार्गदर्शक उदंड मायेने पाठबळ देणारा समाज होय.
पूर्वकालीन समाजामध्ये संवाद,प्रसार किंवा इत्तर माध्यमांची एवढी रेलचेल नव्हती व त्या पिढीमध्ये आज रोजी सारख्या विविध संघटनाहि नव्हत्या किंवा इत्तर अनावश्यक गोष्टींचा उठाठेव करण्याची देखील आपल्या वाड-वडिलांना गरज वाटली नसावी कारण त्यांचा संपर्क हा सातत्याने होत असे.
आजच्या स्थितीला संवादासहित सर्वच माध्यमाची सोयीस्कर उपलब्धी आहे व सर्वच क्षेत्रामध्ये समाज प्रगती पथावर आहे तरी समाजजीवन पार बदलून गेलेले आहे. स्वहितासाठी व्यस्त व्यक्तिगत जीवन, प्रबोधनाअभावी समाजाप्रती असलेली उदासीन भावना यामुळे सामाजिक विषमता निर्माण होण्याची भीती वाटते. आधीच गावोगावी,खेड्यापाड्यात विखुरलेला आपला अल्पसंख्याक समाज आजही विकासाच्या प्रवाहापासून दूर आहे तो दुरावा कमी करणे या साठी सकारात्मक "सामाजिक संवाद " वाढविणे हेच सामाजिक कार्य या पुढे आपणास करावयाचे आहे.
सामाजिक भावनेने आजच्या " सोशियल मीडियाचा " जर योग्य वापर केला तर वैचारिक क्रांती येऊ शकते या साठी युवा क्रांतीच्या माध्यमातून नेहमीच प्रयत्न असतो. " सोशियल मीडियाचा " स्तर सामाजिक विचारांचा असावा या साठी युवा क्रांतीचे व्हाट्सअँप ग्रुप व फेसबुक आहेतच या पुढील माध्यम म्हणून वेबसाईट व मोबाइल अँपचा प्रयत्न प्रयोगात आहे व लवकरच तो समाजर्पण करण्यात येईल.
सामाजिक विचारमंथनासह व्यापक संपर्काकरिता समाज संपर्क नोंदणी, वधुवर परिचय व श्रमिक क्रांतीसंघाच्या सदस्य नोंदणी सह सामाजिक संवादासाठी युवा क्रांतीचा अधिकृत सुतारमहाक्रांती ब्लॉग http://sutarmahakranti.blogspot.in/ आम्ही समाजार्पण करीत आहोत. आपण या आकर्षक व माहितीपूर्ण ब्लॉगच्या माध्यमातून वेबसाईट प्रमाणे अगदी सोप्या पद्धतीत सर्व सुविधांचा लाभ घेता येईल.
आपणास विनंती आहे कि या ब्लॉग चा जास्तीस्त जास्त प्रसार करावा व समाज समाज संपर्क नोंदणी, वधुवर परिचय नोंदणी वर आपल्या परिचित पाहुणे मंडळींची नोंदणी करावी.
आपलाच,
सदैव समाजऋणात,
श्री.बाळासाहेब ना. पांचाळ
प्रमुख कार्यसेवक,
कोणत्याही टिप्पण्‍या नाहीत:
टिप्पणी पोस्ट करा